【文章內容簡介】 ……*毛毛：哎呀！撞斷人只腳呀。賠錢呀！快啲賠錢呀！斷咗只腳呀！落咗落地喇！哎呀！賠錢呀！快啲呀！司機甲：八婆，你做咩呀？毛毛：賠錢呀！賠錢呀！程勝：賠咩呀？（一把拉咗毛毛走夾唔唞）司機甲：咪走呀！追佢呀喂！我架車夠爛曬啦。程勝：雖然你系蠢，低b，戇居，發(fā)型又老土，著衫不知所謂。重要冇波冇身材。但我念在你幾有姜呀，個鼻又幾高。畀你跟我學嚇嘢呀。毛毛：多謝！多謝！程勝：記唔記得頭先同你講嘅計劃？（戴返頂帽）（兩個人鬼鬼鼠鼠）毛毛：喂！喂！噉我哋入去偷嘢，算唔算系做賊架？*程勝：屋里面冇人呢就系做賊，有人就系叫食腦。嗱，做任何嘢呢，至艱難嘅就系第一步嘅，而家我哋點樣令到人哋肯畀我哋入去屋里便呢？呢下就講求高度嘅智慧同無比嘅勇氣呀。毛毛：我有呀。程勝：呢兩樣嘢就系你最缺乏嘅。睇我點做。撳鐘。（毛毛撳門鐘）程勝：睇做戲吖。（有人應門）條友（一身住家男人打扮）：入嚟呀，入嚟呀，嚟呀，嚟呀。程勝：我哋嚟……條友：噓！——條友：快啲吖！入嚟呀?。▋蓚€人入去間屋）條友：你哋嚟做咩呀？程勝：我哋接到投……條友：噓——，（條友個肥老婆食食嚇嘢瞓著咗，成身污糟邋遢）千祈唔好嘈醒我老婆呀。程勝、毛毛：哦！毛毛：我哋接到投訴話你呢度好似系漏煤氣?，系咪呀？嚇？嚇嘩？（程勝造馬，喺條友身后噴嘢，條友木知木覺。）條友：系呀，系呀，系呀，好大朕味呀，跟我入廚房呀。程勝（吩咐毛毛）：睇嚇周圍有冇值錢嘢吖。毛毛：哦，知道。（廚房）條友：個掣喺度呀。程勝：系嗎？條友：點呀？情況點呀？程勝：幫我撳住先。條友：哦，好呀。程勝：聽唔聽到吱吱聲？（喺條友身后噴嘢）條友：系呀，系呀。重好大朕味添呀。程勝：漏氣嘅情況好嚴重，我要即刻班救兵嚟。（出門）千祈唔好放手呀?。眯淖鰤氖拢虅僬`會咗佢，以為毛毛殺咗條女。）程勝：喂！你唔系？*毛毛：哎！頭先好危險呀。佢拎住把刀呀。噉我哋呢……（程勝嚇到揞住塊面）毛毛：唔使驚，趁而家未有人發(fā)覺，我哋快啲揾啲嘢走喇嚇。程勝：你都唔使殺佢架。（毛毛突然間傻笑起上嚟）*程勝：你重笑得落你？你咁狼毒你！我畀你累死嘞，死八婆?。ǔ虅賹⒚玼ng2埋一便，咁啱撞暈咗條友）（程勝重以為條友死咗）毛毛：哎呀，我點會……程勝：你有冇搞錯呀？連續(xù)懟冧兩件？我要報警。毛毛：哎！哎！哎！你合埋口聽我講先啦。程勝（猛摑毛毛）：重有乜嘢好講呀？你重有乜嘢好講呀？你系咪重累我唔夠呀你？*毛毛：我揸住把刀架。程勝：你重想殺埋我？（程勝叉住毛毛條頸）（掙扎中程勝唔小心踹到電視遙控器，開咗電視機，電視聲嘈醒咗個肥婆）肥婆：你兩個做咩呀？老公，佢兩個入嚟做咩架？條友：佢哋嚟整……整煤氣架。程勝：啊，系呀，我哋整煤氣嘅，我哋。肥婆：噉整好未呀？程勝：我整好嘞，你呢？（毛毛點頭）（毛毛擺低把刀）程勝：噉走嘞。打攪曬呀，唔該。（走）條友：唔該。肥婆：你個衰佬吖，無啦啦放兩條友入嚟？你作死呀？死呀?。ǔ虅俎贶嚕┏虅伲狐c解頭先你唔同我講呢？毛毛：你一路叉住人條頸?，合唔埋口點講啫？程勝（口唔喐都講到嘢）：邊個話講唔到嘢呀？唔好話你蠢？又少日時間撲水呀。睇嚟都要落啲本。聽日嗱嗱聲去買兩張葉倩文演唱會飛吖。毛毛：點用呀？程勝：攞嚟擺落人哋嘅信箱度，啲人梗系貪小便宜架嘛。見到無端端有飛咯，重唔成家人撲曬去睇演唱會咩？噉間屋就變咗冇人，冇人就系我哋世界喇。毛毛：間屋冇人咪即系做賊？程勝；噉系我食腦令到間屋冇人吖嘛。所以依然都系食腦。毛毛：目標呢？程勝：就呢間呀。（生滋貓入眼）（兩個賓妹畀個賓仔使咗去旅行，搞到間屋冇曬人。）（發(fā)哥出現(xiàn)，攞起賓仔擺喺門口嘅鎖匙，一架車隨即趕到，車身寫?。赫\信清潔服務公司）甲（落車）：發(fā)哥呀，啊，條賓仔幾醒?，噉樣搞掂啲賓妹？發(fā)哥：唔好講咁多喇，入去先。（推開門，三人畀眼前嘅景象嚇咗一驚）發(fā)哥：嘩！甲：嘩！間屋好大呀！乙：嘩！好靚呀！發(fā)哥：哎，唔好掛住睇喇。嚟嚟嚟，照單執(zhí)藥，爽手啲。（三人分頭偷古董）（電話鈴響）電話錄音：呢個系電話錄音，請你喺嘟一聲之后留低說話。（嘟）阿陳呀，我識得個大商場嘅太子爺jackie，大后日呢會由美國嚟香港搞啲投資，你好好哋招呼佢，到時實有你著數(shù)架。系噉吖。乙（放低心頭大石）：好彩冇事。發(fā)哥（腦筋一轉）：咪住先！你哋擺返好啲嘢。我諗?shù)綏l發(fā)達橋呀?？靻?！快啲?。ㄈ蕫圬攧沼邢薰荆?大話 周星馳站 發(fā)哥：嗱，屋主下個月先返……排骨：噉我哋就有大把時間set個局……發(fā)哥：我扮屋主，跟住呃埋嗰個jackie……發(fā)哥：所有嘅古董全部落曬我哋袋，跟住呢再呃埋嗰個jackie。排骨：大佬呀，咁大條水魚食得唔好嘥呀。大佬呀，我呢條橋正呀哩？發(fā)哥：我都系噉諗。貴利王：我大佬諗?shù)絾蚓瓦硐颠惆l(fā)達橋啦。不過噉，大家咁熟，我?guī)头的阋淮窝?。發(fā)哥：噉呃到嗰啲錢……貴利王：咪五五分賬咯。發(fā)哥：真架？*貴利王：啲古董我借埋畀你又點話啫？發(fā)哥：大弟哥，你真系好人呀，我一定唔會令你失望架。貴利王：畀心機做喇。發(fā)哥：（上海話）謝謝儂！我一定會努力做架。（滿心歡喜噉出去）排骨：細佬呀，點解五五分賬咁益佢啫？貴利王：嚇！唔畀啲甜頭佢呀，佢點會努力做呀？排骨：噉都唔使五成咁多架？貴利王：嗰五成？系古董啲租嚟咋。排骨（終于都開竅喇）：呀，系?，噉咪即系全部都落曬我哋袋？（笑）細佬真系好嘢?。òl(fā)哥扮到成個老爺噉款慢慢行落樓）甲、乙、丙：發(fā)仔！發(fā)哥：叫老爺呀！甲：啊，系呀，叫老爺。丙：老爺。乙（揸住程勝塞落信箱度嘅嗰兩張演唱會飛）：啊，老爺呀，我喺信箱度揾到幾張演唱會飛。發(fā)哥：哎呀，唔好貪小便宜呀，因住因小失大！記住，要準時返工哦。甲、乙：系。丙：系，老爺。（甲乙丙離開）發(fā)哥（細思量）：而家重爭個老婆。（夜總會）（萍姐同大只佬拗手瓜）某甲：咩料呀喂？*某乙：嘩！大只佬同條女萍姐：嚟吖。某丙：肥仔，我買重你架。*裁判：一二三，去?。ㄆ冀爿攨?某丙：嘩！好嘢，又抵我贏錢嘞，今次贏萍姐：搞錯呀你？某丙：咩呀？唔順呀？萍姐：唔順呀。某丙：噉咪再嚟過啰。肥仔：再嚟過？*某丙：萍姐：再嚟拗過，嚟吖。（原來肥仔同某丙佮埋嘅）*肥仔：萍姐呀，*某丙：今日好難揾架噃。萍姐：算喇，收工呀。肥仔：噉我哋走先架咯?。嚟，行呀。某丙：萍姐，走先喇。（發(fā)哥將一個銀仔抌入萍姐件衫里面）萍姐（惡揚揚）：邊個玩嘢呀？邊個？邊個玩嘢呀？發(fā)哥：系我呀。萍姐（笑咁口）：原來系你呀。發(fā)哥：咪就系我啰。萍姐：真系你？（摑發(fā)哥）老娘今日心情唔好，你重玩嘢？發(fā)哥（揞住半邊面）：哎呀！你唔認得我呀？我系發(fā)仔呀。萍姐：你真系發(fā)仔？發(fā)哥：系呀。（萍姐大打出手）*發(fā)哥：唔好呀！唔好呀！你睇清楚個胸里面先啦。入便有個銀仔架，你送畀我嗰個銀仔呀。嗰個法國銀仔呀，你要揾清楚呀。（萍姐喺件衫里面揾到個銀仔）萍姐（喜出望外）：發(fā)仔！你真系發(fā)仔？發(fā)哥：系呀，我咪系發(fā)仔啰。萍姐：早啲講吖嘛。（喝班圍觀嘅人）望咩望呀？（戲散場）萍姐：乜你搞成噉嘅衰樣架？發(fā)哥：改頭換面都系想避嚇風頭啫。萍姐：咁好死嚟揾我做咩呀？發(fā)哥：我今次嚟揾你，其實我系想……萍姐：哎！哎！哎！借錢呢就免問喇。我自己都唔掂呀。發(fā)哥：唔系噉嚇嘩？咁多年交情。萍姐：嗨嗨，以前你靚仔大家講交情啫。依家你噉嘅樣呀，除非我哋講生意。發(fā)哥：哎，我真系有單生意揾你吖。信我吖，郇嘢嚟架。萍姐：你真系發(fā)仔呀？（程勝同毛毛趁住夜色實行佢哋嘅計劃。）（兩個一搖一擺，扮醉酒）毛毛：都話唔飲咯。（毛毛撳鐘）毛毛：哎呀！哎呀！都話唔飲。哎呀！好衰架！人哋都話唔飲咯。程勝：你話我好衰？*毛毛：程勝（揸實毛毛嘅頭猛咁撞門）：衰吖嗱！衰吖嗱！衰吖嗱！……*程勝：間屋應該冇人啩？（毛毛瞓著咗）程勝（扶起毛毛）：喂！點呀？死唔死得？毛毛：唔死得。程勝：你有冇金卡呀，銀卡呀嗰啲之類？*毛毛（遞張卡畀程勝）：有，用嚟做咩呀？*程勝：用嚟開鎖啰，好高技巧架。手要定，重要揸得穩(wěn)。（張卡畀度門食咗）毛毛：我張卡呢？張卡系我辛苦執(zhí)返嚟架。程勝：執(zhí)嘅？唔怪得啦，你畀張流嘅我。毛毛：你點知呀？程勝：畀度門食咗，你話系堅定流呀？重有冇呀？毛毛：噉，地鐵飛！程勝：堅定流架？毛毛：堅架。程勝：堅嘞嗎？（一下開咗度門）嗱，系堅嘅實開到架嘛。 大話 周星馳站 （二個人鬼鬼鼠鼠噉）毛毛（一下攬住碌葛噉嘅嘢）：發(fā)達喇。發(fā)達喇。程勝：你做咩你？毛毛：呢件咁大一定好值錢架喇。嚟吖。程勝：喂！不如揾件搬得喐嘅好嗎？毛毛（揾過第二樣嘢）：呢件搬得喐呀。嚟！嚟！程勝：喂！你揾件擺得落個袋度嘅先啦。（拎起一只金馬）即系譬如好似呢啲噉呀。攞個袋嚟吖。（程勝揾極都揾唔到個口喺邊）毛毛（拉開袋口）：哩，哩，哩，呢度。程勝：我唔系話暗袋呀，我系話上便呢……毛毛：系得呢兩個竉架咋。程勝：呢兩個竉？咩袋嚟呀？毛毛：呢個唔系袋嚟架。呢個系鎖匙包。呢便裝鎖匙，呢便裝碎紙嘅。程勝：孭個鎖匙包出嚟？毛毛：型哩？（入極都入唔到去）（程勝心情好低落）毛毛：你做咩呀？有心事呀？*程勝（深呼吸）：，即刻去周圍(目及)(目及)。睇嚇有啲咩可以裝得落個咁大嘅袋度。毛毛：我明，我明。例如呢？程勝：啲名貴嘅筆呀，打火機呀，煙灰缸呀嗰啲呀。毛毛：我明，我明。*毛毛（揾到一個超大嘅煙灰缸，真系蠢到死）：揾到喇，揾到喇，哩！哩！哩！揾到個好名貴嘅煙灰缸呀。嚟，擘大個袋擺佢落去先喇。嚟！嚟！嚟！擘大啲！擘大啲！擘大啲！差唔多！差唔多！差唔多！嚟！嚟！嚟?。ǔ虅俜浅Ｊ瑨b低個包，沉思狀）毛毛：做咩呀？又有心事呀？程勝：系。毛毛：講嚟聽嚇。程勝：我唔想講。*毛毛：有冇其他表達嘅方法呀？程勝：有?。ㄓ衷嚸蛽澝▋蓚€人周圍caau3嘢）程勝：死唔信成間屋都冇一件可以擺得落個袋。毛毛：系咯，系咯，揾嚇添呀。揾嚇添呀。程勝（揾到個遙控器，唔覺意開咗個電視機）：咦，呢件得?。(電視聲)李修賢：舉手?。虅偌纯膛e高手）程勝：我偶像?。毛毛：李sir吖嘛。程勝：梗系唔系啦，大傻呀。毛毛：李sir。程勝：大傻勁啲。毛毛：好咯！好咯！大傻就大傻吖。李修賢：你兩個仆街再講多次？（落樓）毛毛：噉而家點呀？程勝：而家梗系諗辦法揾個大啲嘅袋先啦。（電話響）*電話：呢個系電話錄音，請你聽到嘟一聲之后留低說話。阿陳呀，上次同你講嗰個ja